- segir Sigurður Líndal lagaprófessor

Aðeins 23%, nemenda sem þreyttu próf í almennri lögfræði við Háskóla Íslands náði prófiað þessu sinni. 164 nemendur voru skráðir í próf í almennri lögfræði á fyrsta ári í lagadeild 124 þeirra mættu í prófið, en aðeins 28 þeirra, eða 22,6%, hlutu lágmarks­einkunn eða hærra. Nærri fjórir af hverjum fimm, eða 77 1% féllu því á próf­inu Upptökupróf verða haldin í haust og þá mun nokkur hluti I hinna ólán­sömu fall­ista fylla hóp hinna 28 sem náðu í fyrstu atrennu Lágmarkseinkunn í almennri Iögfræði er 7 og því hefur löngum verið talsvert fall, en nú þykir keyra um þverbak.

Ekki þungt próf
„Nei, þetta var ekki þungt próf,” sagði Sigurður Líndal lagaprófessor í samtali við DV, en hann kenndi almennu lögfræðina „Ég held að sæmi­legir námsmenn leiki sér að þessu. Því miður er það ekki aðeins í þessari deild sem námsárangri hrakar. Á þessu eru margar skýr­ingar og þeirra verður að leita í skóla­kerfinu í heild.
Í fyrsta lagi hefur stúdentsprófið í raun verið lagt niður. Undirbúng­ur þeirra sem setjast í háskólann er mjög misjafn. Það er allur fjandinn inn í þessu svokallaða stúdentsprófi enda er það orðið nafnið tómt.

Ýmsar hagnýtar greinar, sem kennd­ar eru í framhaldsskólum, eru ekki nein þjálfun fyrir háskólanám.

Lenska að lesa lítið fyrir próf
Í öðru lagi hefur verið dregið veru­Iega úr kröfum í framhaldsskólum. Í mennta- og fjölbrautaskólum virðist vera Ienska að menn Iesi lítið sem ekkert fyrir próf. Í þeim skólum sem gefa skiljanlegar einkunnir (tölur en ekki bókstafi). fjölgar þeim nem­endum sem fá þriðju einnkunn Fjölgun nemenda á þessu skólastigi er nánast öll á þessu einkunnabili. Í almennu lögfræðinni er lágmarks-einkunn tæp fyrsta einkunn, 7.00, og það er segin saga að flestir nem­endur halda áfram að lesa bara til að fá þessa gömlu góðu þriðju einkunn sína. Þeir sem hingað til hafa skriðið á litlum kröfum gjalda þess.

Lögfrœðingar verða að kunna íslensku
í þriðja lagi komast menntaskóla­nemendur upp með slux. Við í laga­deild erum ekki þau einu sem verðum vör við þetta. Í verkfræði- og raun­vísinda­deild er farið að kenna ými­s­legt sem nemendur ættu skil­yrðis­laust að vera búnirr að læra á mennta­skólastigi. Stúdentar setjast nú í háskóla án þess að geta

Sigurður Líndal: Margar ástæður fyrir lélegum prófárangri nemenda við Háskóla Íslands

gert sæmilega grein fyrir hugsun sinni. Það getur enginn orðið lög­fræðingur sem ekki getur sett mál sitt fram á skilmerkilegan og til­gerðar­lausan hátt og því er sjálfsagt að gera þá kröfu að nemendur kunni íslensku.

Heimta hærri einkunnir, minni vinnu
Í fimmta lagi tel ég að hægt sé að skýra slæman námsárangur með því að nemendur eru að sinna öðru. Lífsgæðakapphlaupið glepur fyrir þeim. Stúdentar vilja vera búnir að gera allt fyrir þrítugt. giftast, eignast bíl, byggja, fara í utanlandsferðir, eignast allt sem hugurinn girnist. Námið situr á hakanum. Í þessu sambandi má nefna að verkalýðs­baráttan er í rauninni komin inn í há­skól­ann. Stúdentar og þeirra samtök hafaa gleypt við lífsviðhorfii; að krefjast sem hæstra launa fyrir sem minnsta vinnu Þannig er krafist hærri eink­unna, hærri gráða fyrir sem minnsta vinnu, og hærri náms­lán og minni endurgreiðslur.

Í sjötta lagi er Háskóli íslands al­gjörlega vanbúinn til að taka við hinum mikla nemendafjölda. Þegar ég byrjaði að starfa við lagadeild hafði hún nýverið eignast eigið hús, Lögberg. Húsið þótti vel við vöxt fyrir 14 árum en nú er svo komið að kennt

er í Tónabæ. Þá komu 20 stúdentar inn á ári, nú eru þeir 200. Há­skól­anum er ekki gert kleift að rækja hlut­verk sitt. Tónlista­skólar og myndlist­askólar fá að setja eigin reglur um inntökuskilyrði en háskól­anum er mein­að að gera slíkt. Þetta er að drepa allt niður ekki aðeins nemendur heldur líka okkur kennarana, því við höfum vart tíma til að gera annað en kenna og fara yfir próf. Við getum of lítið sinnt fræðistörfum, svo sem að semja kennsluefni.
Á sama tíma gaspra námsmenn um lánamálin sí og æ, en þegja þunnu hljóði um fjársvelti mennta­stofnana í landinu. Það heyrðist ekki orð frá þeim þegar hætt var við byggingu Þjóðar­bók­hlöð­unnar

Glepur djöfulgangurinn?
Ég held að þetta séu veigamestu ástæðurnarr fyrir því að náms­ár­ang­ur fer versnandi ekki aðeins í alm­ennu lögfræðinni hjá mér heldur víðar. Og kannski má nefna eitt enn. Glepur ekki djöfulgangurinn í þjóð­félaginu fyrir námsmönnum? Öll þessi blöð, tímarit, útvarp, sjónvarp. Alls staðar er ærandi hávaði, það er aldrei næði. Það er svo komið að ungu fólki líður illa í þögn. Og þá er illa komið, sagði Sigurður Líndal að lokum. ás.